SKARRA MUCCI

Jamaikan jaiotako artista honek. Soul, Gospel, Reggae-Dancehall, Rap eta R&B artean etengabe aldatzen du bere estiloa, bere talentu paregabea eta ahots eta sormenaren fluxu amaigabeak bere estiloa berezia bihurtzen dute.

Skarra Mucci mundu osoan zehar izan ditu kontzertuak, munduko ahots ezagunenekin partekatuz eszenatokiak. Hainbat artistarekin abestiak egin ditu, hala nola Beenie Man, Dub Inc, Yellow Man, Mad Professor eta beste askorekin.

Jada 6 album kaleratu ditu. Bere lehenengo diskoa «Rise & Shine» deiturikoa, ondoren 2009an «912 a.k.a. Hot Like Fire» atera zuen, eta 2010ean «Skarraschizzo» izeneko crossover  Hip-Hop album bat kaleratu zuen. 2012ko martxoan, «Return of the Raggamuffin» izeneko diskoa aurkeztu zuen, honekin Europan lehen postua lortuz.

.2014ko maiatzean, «Greater Than Great» kaleratu zuen, urte horretako album salduena izan zen eta Frantziako herrialdean Dancehall albumerik onena izan zen.

2015eko urtarrilean, Undisputed Records etiketak Skarra Mucciren kudeaketa harturik hainbat proiektuetan murgildu da, hala nola, «Dancehall President» izeneko album berria, Espainiarako eta Hego Amerikarako edizio berezi batekin eta binilo formatuan hainbat kaleratze izan zituen, hala nola Entourloop Crew-rekin egindako abestiaren arrakasta, YouTube-n 8 milioi ikuspegi baino gehiago lortu dituena.

Skarra Mucci geldiezina da, bere abesti arrakastatsuen eta ahots bereziaren bidez, bere kontzertu bizkorrak eta sormen handikoak eginez, denboraldi honetako raggamuffin interpretatzaile onena bihurtu izan dute.

LEIHOTIKAN

Leihotikan 90eko hamarkadan sortutako musika taldeak punk rock lirikoa dute ezaugarri. Bere ibilbidean zehar album ugari argitaratu dituzte, euskal musika eszenan erreferente bihurtuz. Denborak aurrera egin duen arren, Leihotikan taldeak jatorrizko partaide berberei eusten dio, bandak daukan konpromisoa eta kohesioa erakutsiz. Bere zuzenekoak intentsitateagatik eta publikoarekin duen loturagatik dira ezagunak, energia handia transmitituz. Duela gutxi, 2023an, «Etorkizuna Ginenean» albuma argitaratu zuten eta 2024an «Hemen ez da ezer aldatzen» diska berreditatu zuten.

SUAIA

Hip-hopak musika eraldaketarako tresna izan behar dela erakutsi zion, eta ibilbide horretan egingo dugu topo Gorkarekin, hedonismo musikaletik urrun, ahots gabekoen mikroa helduz.

Ia hamar urtez Kodigo Norteren ikurra astindu ondoren, Euskal Herriko hip-hop talderik garrantzitsuenetako bat, 2012an bakarko bideari ekingo zion bere amets handiaren atzetik: maite duen euskara ikasi, eta maite duen hizkuntzan abestu.

Askapen Sound izena duen proiektu berri honekin Mundua Salgai disko autoekoiztua argitaratu zuen. Lan honek emandako bultzadaren ondorioz Venezuelako Kanta Bolibartarraren Jaialdian jotzeko aukera izan zuen adibidez, edota Esne Beltzaren Gora Tourrean taldeko bigarren abeslari moduan.

2015ean banda utzi, eta bere laguna den Endika Lahainerekin batera sistemarekiko gorroto guztia hustu zuten Herrima EP diskoan. Hip hopa, soinu elektronikoa eta klase borroka dira diskoaren osagaiak.

Piztu! Mixtape Gorka Suaiak 2016an argitaratu zuen lana da, Kimo Soundz Djarekin batera. Azken urteetako ibilbidearen lapurpen ezinhobea da, hainbat estilo desberdin (dancehall, dub, jungle…) elkartuz.

2017an Arnasa maxiaren txanda da, Markes Iraizozekin, eta 2018an Legez Kanpo Dantzan EP diskoarena. Aldi berean beste proiektu berri bat aurkeztu zuen Bizkaiko sei reggae musikarirekin batera: Suaia eta Ama Rebel. Urtearen bukaeran argitaratu zuten euren lehenengo diskoa: Raggamuffin Kamarada. Hurrengo bi urteetan, Txapel Reggae, Legoreggae edo Hatortxu Rock jaialdietan jotzeaz gain, Erremixak eta Selfie ala Hil argitaratu zituzten, biak binilo formatuan, azken hori Pantx Records oldies-reggae kolektibo bilbotarrarekin batera..

MARTE LASARTE

Marte Lasarte Borja Anton eta Pello Armendarizen batzetik sortutako proiektua da. Skakeitan proiektua 15 urtez partekatu ondoren, berriz ere indarrak batu zituzten euren lehen bilduma idazten hasteko 2023an.

Urte horren amaierarako bi kantu grabatu zituzten Haritz Harreguyren estudioan, produkzioan Jon Badi lagun izanda. 2024an zehar “Basamortua” eta “Marte Lasarte” singleak kaleratu dituzte eta taldean bi kide berriren iritsiera ere izan dute: Lore Nekane Billelabeitia (Belako) eta Alex Alonso (Skakeitan, ETS, Tierra Santa, La Oreja De Van Gogh, Gari,…). Horrela, laukote honek lehen bilduma osatzeko helburuarekin darrai udazkenerako kaleratzeko asmoarekin.

REIMY

Iruñako DJ Reimy autodidakta eta kultur astintzalea, 15 urtez baino gehiagoz antolatzen darama ekitaldiak. Azken 5 urteetan bizikleta eta triziklo soinudunen sistema bat garatu du, Marabyak Bike Sound System-en funtzionamendua erakutsi helburu duen tailer batekin amaituz. Muntaia egitetik, DJ soiora edo zuzeneko baterako egokitzapenera. 

Aurten GURE! jaialdian DJ moduan arituko da eszenatoki gainean.

STEADY ROCKETS

Steady Rockets, 2018an sortutako Bilboko taldea hamar lagunek osatzen dute, 60ko hamarkadako jamaikar musikarekiko maitasuna uztartuz euskal kulturari ere ikusgarritasuna ematen diotenak. Proiektua ska, reggae edo rocksteady estiloetako abestietan oinarritzen da.

2021ean, 250 pertsonekin, 45 kolektiborekin eta beste 13 talderekin batera Jamaikako euskal folkloreko «Reggaean Jarrai» biniloan parte hartu zuten. Musika eta euskara puntu amankomunean jarriz, Anje Duhalderen jatorrizko “Eperrak” abestiaren bertsio bat grabatu zuten.

2022an Amurrioko Burubio aretoan grabatutako zuzeneko bat argitaratu zuten, euskaraz idatzitako bost abesti propioz osatua.

Ibilbidean zehar Euskal Herriko hainbat lekutan eskaini dituzte kontzertuak: Bilboko Kafe Antzokian, Gorlizko Pine Groove Festibalean, Legorreggaen festibalean, Portugaleten, Lekeition, Errekalden eta Gernikan, besteak beste.

TraBESTIES

«TraBESTIES» izenpean hiru artista independenteen taldea ezagutzen da, arte modalitate ezberdinak lantzen dituztenak. Hauek dira:

Lasy Philiss: 10 urtetik gorako ibilbidearekin dantzari moduan, Euskal Herriko drag errebelazioa da, «Harro Bizkaia 2024» azken drag galaren irabazlea. Lasyk eszenaratze ikusgarria eskaintzen du, irudimena gainditzen duten look-ak, koreografia eta probokazioa uztartuz.

Incógnita Gianolli: modelo, aktore eta abeslari lirikoa da, kontraste handia sortzen duena: maskaradun emakumea, baritono ahotsarekin. Bere ikuskizunak sorpresa eta misterioz beteak daude, morboa piztuz emanaldi bakoitzean.

Iria Mey: Bilboko abeslari eta showgirl-a, hiriko vedette ikonikoenetako bat bezala ezaguna. Abesti propioak kaleratu ondoren, bere nazioarteko ekoizpeneko lehen EPa prestatzen ari da, 2025ean argia ikusiko duena. Zuzeneko emanaldiak egiten ditu, xehetasunez zaindutako irudia eta Euskal Herri osoko proposamen artistiko paregabea eskainiz.

FRANTXU LSB

Frantxu.LSB (konpositorea, abeslaria) eta xkas_LSB (soinu-ekoizlea) Erandion sortutako taldea da, 2021etik publikoarentzat irekita dagoena. «Inoiz ez genuen pentsatu eszenatokira igotzea; beti kanalizatzeko egiten nuen», dio Frantxuk. Gaur egun, 35 abesti baino gehiago dituzte plataforma guztietan, eta disko bat prestatzen ari dira. Disko hau 2025eko otsailaren erdialdean hasiko da kaleratzen, 8 abestiz osatua eta sorpresaren bat…